Një 23-vjeçar shqiptar, me profesion kuzhinier, është vënë në pranga në Angli pasi është kapur në një shtëpi të mbushur me kanabis.
Shqiptari u kap me 171 bimë kanabisi me vlerë mbi 60,000 paund, i është caktuar nga gjykata angleze të paguajë vetëm 385 dollarë.
Shqiptari Fabio Balliu, 23 vjeç, u la në burg për 27 muaj në janar pasi policia bastisi një shtëpi në Spring Gardens, Gainsborough.
Policia e Lincolnshire fillimisht u alarmua nga një fqinj i cili besonte se një vjedhje po ndodhte më 17 maj të vitit të kaluar.
Oficerët ,mbërritën në banesë në orën 10:00 të mëngjesit dhe menjëherë ndjenë erën e kanabisit që vinte nga brenda pronës dhe zhurmën e ventilatorëve elektrikë.
Shqiptari hapi derën e hyrjes dhe u largua me vrap nga prona, por u ndalua dhe u arrestua pak çaste më vonë.
Ai u tha oficerëve: “Ok, unë jam nga Shqipëria. Anglishtja ime nuk është e mirë.”
Policia gjeti një zonë ndenjeje në dhomën e përparme me divan dhe frigorifer të zbrazët, gjë që linte dyshime se Balliu ndoshta nuk jetonte në këtë pronë.
Në shtëpi u gjetën tre zona kultivimi, me 87 bimë kanabis në fazën e lulëzimit dhe 84 bimë kanabis në gjendje vegjetative.
Balliu pranoi se prodhonte kanabis dhe u burgos në fillim të këtij viti.
Çështja u shty për të përcaktuar vlerën e drogës dhe për të parë se sa para mund t’i sekuestroheshin Balliut.
Gjyqtarja Catarina Sjolin Knight urdhëroi Balliun që të paguante shumën prej 385 £ brenda dy muajsh ose do të përballet me burgun.
