Agjenti Jeton Lami 28 vjeç u prangos nga policia e shtetit pasi dyshohet se ndihmoi Ervis Martinaj të arratiset.
Ai e lëvizte me makinë sa herë që policia ishte në veprim apo që rrezikohej nga bandat dhe zhvendosej nga njëri qytet në tjetrin.
Agjenti i njësisë operacionale në drejtorinë e Tiranës që u kap dyshohet se nuk veproi i vetëm.
28-vjeçari dyshohet se kishte edhe kolegë të tjerë në Kurbin dhe Fushë Krujë që e informonin Martinajn.
Kështu njeri që cilësohet si “mbreti” i basteve në Shqipëri lëvizte i lirë dhe i pa shqetësuar.
Hetimet pritet që të shtrihen në sektorë dhe njësi të tjera të policisë ku pritet që të ketë arrestime.
Kjo është edhe arsyeja e dekonspirimit të shumë aksioneve për kapjen e të shumë kërkuarit.
Nuredin Dumani tregoi se Martinaj kishte urdhëruar vrasjen e Endrit Dokles, atentat që nuk u realizua.
Po ku ndodhet Martinaj? Prej 10 gushtit ai u denoncua i zhdukur nga xhaxhai dhe ende nuk ka asnjë gjurmë.
Dëshmia e policit të arrestuar pritet që të hedhë më shumë dritë.
