Është bukur kur ëndrrat bëhen realitet… Historia e shqiptares Elina Xhengo, është frymëzuese për këdo që beson se me punë të arrihen gjëra të mëdha.
Elina Xheno, është shpallur kampione Evrope në hedhje shtize. Ajo është vetëm 20 vjeçe. Prej vitesh jeton në Selanik të Greqisë.
Kampionia e Evropës, mbërriti ditën e djeshme në Selanik, nga ku u prit në mënyrë shumë të ngrohtë nga qytetarët. Në aeroportin e Maqedonisë, Elina pa një grumbull të madh njerëzish, të afërm, tifozë, flamuj e lule ku u krijuar një atmosferë e veçantë.
“Ju e bëtë ëndrrën time 100 herë më të bukur. Ia dedikoj këtë sukses të gjithë fëmijëve që arrijnë të ngjiten në majë duke kaluar shumë sakrifica. Falënderim për ata njerëz që vlerësojnë sakrificat dhe pengesat që të rinjtë kanë në jetë”, u shpreh kampionia.
Mes njerëzve nuk mungonte, as familja e saj. Elina u surprizua nga prania e vajzës motrës së saj në Santorini, dhe që udhëtoi për të takuar të motrën.
Ajo dhe babai u shprehën të emocionuar për arritjen e Elinës që sot konsiderohet e ardhmja e atletikës helene.
Por surpriza nuk u kufizua vetëm brenda aeroportit, pasi me të dalë në ajër të hapur, Elinën e prisnin akoma më shumë njerëz me duartrokitje dhe fishekzjarrë.
E lindur në Greqi nga prindër shqiptarë nga Korça, ajo cila dominoi garën e hedhjes së shtizës me hedhjen 65 metra e 81 centimetra në Mynih, duke fituar medaljen e artë.
