Një ndër modelet më të njohura në botën e Holliwooddit, Bella Hadid, ka deklaruar se ka humbur shumë oferta pune dhe është larguar nga miqtë e saj për shkak të qëndrimit anti izraelit.
Ajo mbështeti Palestinën për shkak se babai i saj ka lindur atje.
“Shumë kompani ndaluan së punuari me mua. Kam miq që më kanë braktisur plotësisht”, tha ajo në një intervistë.
Hadid tha se beson se ka të gjithë përvojën dhe njohuritë personale që i nevojiten për të qëndruar pranë bindjeve të saj.
“Unë e njoh familjen time mjaftueshëm, e njoh mjaftueshëm historinë time. Dhe kjo duhet të jetë e mjaftueshme”, tha ajo në podcast, raporton teenvogue.com.
Modelja nuk ka hequr dorë nga avokimi i saj pasi tensionet mes forcave izraelite dhe militantëve palestinezë vazhdojnë të nxehen. Në një postim në Instagram të qershorit, Hadid shkroi.
“Çdo ditë dëshiroj të kthehem pas në kohë, kur isha fëmijë, në mënyrë që të filloja të luftoja më shpejt për Palestinën. Për familjen time, për pleqtë e mi, historinë tonë dhe për popullin e Palestinës që ende jeton, tani, përmes këtij pushtimi tradhtar, rraskapitës dhe të dhimbshëm”.
