Çmimi i energjisë elektrike ka pësuar një rritje të ndjeshme në bursë. Për këtë ka reaguar dhe deputeti i PS-së, Erjon Braçe.
Aktualisht një megavat në bursën e Hungarisë kushton mesatarisht 708 euro, ndërsa në momentet pik të konsumit dhe kërkesës çmimi do të arrijë në 750 euro. Këto çmime janë 7 herë më të larta se në gusht të vitit të kaluar, kur kriza kishte nisur të jepte shenjat e para.
“E fundit, kursejeni energjinë elektrike! Koha e bollëkut në të gjithë Evropën në energji, ka mbaruar! Do jemi në vështirësi! Kurseni!”, shprehet Braçe.