Zakonet e përditshme të mëngjesit janë shumë të rëndësishme për mbarëvajtjen e ditës, e kështu në plan afatgjatë edhe të jetës sonë.
Probabiliteti i suksesit tuaj mund të varet nga zgjedhjet se si t’i kaloni ato orë kritike përpara se të fillojë dita juaj e punës.
Më poshtë janë disa zakone të mëngjesit të disa prej liderëve më të suksesshëm, që mund t’i zbatoni për të rritur efektivitetin në ditën tuaj.
Njerëzit e suksesshëm priren të ngrihen dhe të jenë në formë ndërsa pjesa tjetër e botës është ende në gjumë.
Filloni të mendoni si do ta programoni ditën në mënyrë ideale, para se dikush tjetër në familje të ngrihet. Si e filloni ditën tuaj përcakton se sa mirë do të jetë ajo në vazhdim.
Njerëzit e suksesshëm nxisin motivimin e tyre. Motivimi nuk zgjat përgjithmonë, kështu që planifikoni ta nxisni atë tek vetja gjithmonë.
Digjni disa kalori. Ushtrimet e mëngjesit janë ndër ritualet e preferuara të përditshme të liderëve të suksesshëm.
Ata i bëjnë vetes një pyetje të thjeshtë. Çdo ditë pyesin veten “Nëse sot do të ishte dita e fundit e jetës sime, a do të doja të bëja atë që do të bëj sot?” Të gjithë duan të ndiejnë se ajo që bëjnë ka kuptim.
