Presidenti i Ukrainës, Volodymir Zelensky është takuar me Drejtorin e Përgjithshëm të Agjencisë Ndërkombëtare të Energjisë Atomike, Rafael Grossi.
Ky takim vjen pak para vizitës së delegacionit në uzinën Zaporizhzhia.
Ndërkohë nuk është zbuluar asnjë detaj lidhur me këto bisedime të zhvilluara.
Sakaq Ukraina dhe Rusia vazhdojnë të akuzojnë njëra-tjetrën për bombardimin e zonës rreth termocentralit bërthamor të Zaporizhzhia-s.
Një luftë bërthamore “është e papranueshme për Rusinë”. Kështu tha ministri i jashtëm rus Sergei Lavrov, duke shtuar se Moska synon të vazhdojë negociatat e paqes me Ukrainën.
“Vullneti i mirë ka kufijtë e tij. Dhe nëse nuk është reciproke, kjo nuk do të kontribuojë në procesin diplomatik, por ne do të vazhdojmë të ndjekim negociatat me delegacionin e Zelensky”.
