Sinoptikanet e Shërbimit Meteorologjik Ushtarak bëjnë me dije se kjo fundjave pritet të jetë nën ndikim të masave ajrore të qëndrueshme.
Moti parashikohet me alternime kthjellimesh dhe vranësira në zhvillim kryesisht në orët e mesditës.
Era prashikohet të jetë, ditën e shtunë nga veriperëndimi me shpejtësi deri në 1-8 m/sek, ndërsa ditën e diel nga jugperëndimi me shpejtësi mesatare 1-7m/sek.
Valëzimi ne dete i forcës 1-2 ballë.
Ndërkohë dita e sotme është karakterizuar nga mot i paqëndrueshëm, me reshje shiu dhe vranësira.
Pas mesdite pritet që gradualisht kushtet e motit të pësojnë përmirësim, si fillim në zonat Jugperëndimore.
Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 12°C deri në 29°C.
