Ministri i Financave në Kosovë, Hekuran Murati u qëllua ditën e djeshme me miell.
Sulmi erdhi nga aktivistët e PSD-së. Policia ka njoftuar se Prokuroria do ndërmarrë masa ndaj: Nol Nushi, Zgjim Hyseni dhe disa aktivistë të PSD-së, të cilët dyshohet se e sulmuan teksa ministri po dilte nga kafja në lagjen Dardania.
“Në gazeta të ndryshme dhe rrjete sociale ka qarkulluar një video ku shihen disa persona duke hedhur miell mbi një ministër të RKS-së. Lidhur me rastin njësitë policore kanë dalë në vendin ku ka ndodhë incidenti, është kontaktuar ministri, i cili ka njoftuar se nuk është lënduar. Është njoftuar prokurori i cili ka sugjeruar që të bëhet shënim zyrtar, për procedura të mëtejme ligjore,” ka njoftuar policia.
