Pak orë pas zgjedhjes së Liz Truss si kryeministre e re e Britanisë reagimet kanë qenë të shumta. Kryeministri në largim, Boris Johnson, ishte i pari në Britani që uroi zëvendësuesen e tij.
Në Twitter, Boris Johnson foli për një fitore vendimtare. “Unë e di se ajo ka planin e duhur për të trajtuar krizën e kostos së jetesës.
Për të bashkuar partinë tonë dhe për të vazhduar punën e madhe për bashkimin e vendit tonë.
Tani është koha që të gjithë konservatorët ta mbështesin atë njëqind për qind” tha ai. Kryeministrja e re doli në podium pa shtrënguar duart me kundërshtarin e saj, Rishi Sunak.
Në fakt, Tras po e merr drejtimin në një moment të vështirë, pasi çështjet që shqetësojnë vendin, por edhe mbarë botën janë të shumta dhe disa prej tyre të paprecedentë.
Truss duhet të përballet me një krizë të kostos së jetesës, një valë grevash, Brexit, emigracionin, luftën në Ukrainë.
Reagimet e para në Rusi
Vështirë të imagjinohet diçka më e keqe në marrëdhëniet me Britaninë. Në Rusi, megjithatë, pritja e kryeministrit të ri britanik nuk ishte veçanërisht e ngrohtë.
“Unë nuk do të thosha se gjërat mund të ndryshojnë për keq, sepse është e vështirë të imagjinohet diçka më e keqe” tha zëdhënësi i Kremlinit Dmitry Peskov.
“Por, për fat të keq, kjo nuk mund të përjashtohet, duke qenë se kandidatët për postin e kryeministrit britanik konkurruan me njëri-tjetrin në retorikë antiruse.
Në kërcënime për marrjen e masave të mëtejshme ndaj vendit tonë etj. Mos mendoni se mund të shpresojmë për diçka pozitive”, shtoi ai.
I pyetur nëse presidenti Vladimir Putin do të dërgonte një telegram urimi, ai tha: “Le të presim dhe të shohim“.
Zonja Truss është më e njohur në Rusi për një vizitë që bëri në Moskë në shkurt, kur ajo dhe Ministri i Jashtëm Sergei Lavrov patën një takim të ashpër.
Reagimet e Ukrainës
Liz Truss-it i janë dërguar urime nga Parlamenti ukrainas.
“Unë përgëzoj popullin e Mbretërisë së Bashkuar për kreun e ri të qeverisë dhe uroj që Liz Truss të përmbushë të gjitha detyrat e saj”, tha Ruslan Stephanchuk, Kryetar i Parlamentit të Ukrainës.
“Që nga fillimi i luftës, Ukraina ka ndjerë se çfarë janë miqtë e vërtetë. Pa dyshim, Britania e Madhe është aleati i vërtetë i Ukrainës. Unë besoj se mbështetja për Ukrainën do të rritet“.
Pritje tipike nga von der Leyen, më e ngrohtë se Solz
Presidentja e Komisionit Evropian Ursula von der Leyen tha sot se pret që Britania të respektojë të gjitha aspektet e marrëveshjes së Brexit nën kryeministren e re Liz Truss.
“Së bashku ne përballemi me shumë sfida, nga ndryshimet klimatike deri te pushtimi rus i Ukrainës. Mezi pres një marrëdhënie konstruktive, në respekt të plotë të marrëveshjeve tona”, tha von der Leyen.
Kancelarja gjermane Olaf Scholz ka uruar sot Liz Truss.
“Urime për rolin tuaj të ri @trussliz! Mezi pres të punojmë së bashku në këto kohë të vështira”, tha Soltz në një postim në Twitter. “Mbretëria e Bashkuar dhe Gjermania do të vazhdojnë të punojnë ngushtë së bashku si partnerë dhe miq”.
Deri më tani nuk ka pasur asnjë deklaratë nga Emmanuel Macron, për të cilin Truss u shfaq i pavendosur pak ditë më parë.
Megjithatë, një anëtar i partisë së presidentit francez tha: “Liz Truss do të bëhet kryeministre në një moment të vështirë.
Reagimi i parë i Sunak
Rivali i kryeministres në garën për të pasuar Boris Johnson, Rishi Sunak, u bëri thirrje konservatorëve të mblidhen rreth Truss. “Faleminderit të gjithëve që votuan për mua në këtë fushatë”, shkroi ai në Twitter.
“E thashë gjatë fjalimit të saj se konservatorët janë një familje. Dhe tani ne duhet të bashkohemi pas kryeministres së re Liz Truss, ndërsa ajo drejton vendin në kohë të vështira”.
Menjëherë pas fjalimit të Truss, lideri kryesor i opozitës laburiste, Sir Keir Starmer, i bëri thirrje kryeministres së re britanike të shpjegonte planet e saj ekonomike.
