Në dy ndeshjet e fundit të Ligës së Kombeve, Kombëtarja shqiptare do të shkojë me mungesa të shumta.
Reparti më problematik është mbrojtja ku mungojnë emra të mëdhenj si Gjimshiti, Kumbulla, Dermaku, Hysaj. Ndërkohë, i dëmtuar është edhe Vrioni e Manaj.
Në këtë gjendje, Reja pritet të eksperimentojë në fazën mbrojtëse. Në portë mbetet Berisha, ndërsa treshja e mbrojtjes mund të kompletohet me Ismajlin, Veselin dhe një mes Mihajt, Adrian Bajramit ose Prengës, por nuk përjashtohet edhe një kthim mbrapa i Gjasulës.
Në krah Balliu dhe majtas Lenjani ose Hoxhallari. Në mesfushë alternativat janë me Baren, Çekiçin, Asllanin, Laçin, Abrashin apo Ramadani me Nedim Bajramin.
Në sulm, përveç mungesës së Vrionit dhe Manajt, të gatshëm janë: Broja, Uzuni, Cikalleshi apo Seferi.
