Kryetari i grupit të PD-së, Enkelejd Alibeaj zhvilloi sot mbledhjen e parë me deputetët, teksa pasdite do të zhvillohet seanca e parë.
Alibeaj e vendosi theksin tek tre prioritete të punës së grupit që drejton.
Ai tha se PD nuk duhet të humbë energjitë me debatet e brendshme, por të fokusohet te qytetarët.
“Gjuha e qeverisë është bërë bajate, ofron vetëm dëshpërim dhe humbje besimi.
Ne opozita ishim të fokusuar në një konflikt mes vetes, që konsumoi energji dhe shfokusohemi aksionin opozitar.
Opozita tani duhet të ofrohet vetëm te problemet e shqiptarëve. Në parlament nuk jemi të gjithë njëlloj. Alternativë dhe jo batuta bajate.
Distancim nga korrupsioni dhe jo lojëra interesash. Propozojmë prioritetet tona për sesionin e ri;
Reforma legjislative
Mbrojtja e qytetarëve
Kontrolli parlamentar” tha ai.
