Ditën e enjte PS dhe PD do të hapin draftet me propozimet konkrete që kanë për reformën territoriale.
PD kërkon të paktën 90, por PS është e vendosur që duhet të jenë më pak se 61 që janë aktualisht.
Por ku konkretisht, opozita kërkon që të shtohen bashkitë? Dhurata Çupi që është bashkë-kryetare e reformës liston disa.
“Për bashkinë Paskuqan do të vendosen dy propozime. T’i bashkëngjitet bashkisë Tiranë apo të jetë bashki më vete.
Zall -Herri ti bashkëngjitet njësisë më pranë. Kemi propozuar bashki Velipojën, Shëngjinin, Orikumin, zonën e Dukagjinit, Leskovikun” tha ajo.
Por Anila Denaj, që është bashkë-kryetare në drejtimin e komisionit nga socialistët thotë se theksi duhet të vendoset më shumë të shërbimet sesa kufijtë dhe shtimi i bashkive.
Debati vazhdon, por opozita kërkon që zgjedhjet e reja lokale që do të mbahen vitin tjetër të zhvillohen mbi korrigjimin e reformës territoriale.
Koha është e mjaftueshme, por nuk mund të thuhet e njëjta gjë për vullnetin politik.
