Ministria e Infrastrukturës dhe Energjisë, Belinda Balluku në një deklaratë për mediat ka prezantuar sot vendimin e ri të qeverisë që lidhet me ndërtimet pa leje.
Ajo u shpreh se nëse bëhen kate pa leje, ndërtesat do konfiskohen.
“Vendimi lidhet me ndërtimin e shtesave që janë dhënë nga bashkitë apo KKT. Kjo kohë ka mbaruar. Ky trend i zhvilluar kohët e fundit, pavarësisht se leja është 3 kate, i bëjmë kate sipër. Kjo s’do të ndodh më.
Nëse bëhen kate pa leje, ndërtesat do konfiskohen dhe konfiskimi do të bëhet për interes publik. Nuk do te ketë tolerance për asnjë ata që ndërtojnë pa leje. Këto ndërtesa që kanë këto specifikime, do të konfiskohen. Do të përdoren për të shpronësuar qytetarët”, tha ajo.
