Qeveria do të fusë nën hetim ish-drejtorin e policisë së shtetit, Gledis Nano.
Para shkarkimit, Nano deklaroi për një media franceze se 14 kriminelë shpëtuan pasi aksionet u dekonspiruan nga brenda policisë.
Për këtë deklaratë, ministri Çuçi u shpreh sot se do të nisë një hetim, ku do të përfshihet edhe ish-drejtori.
Pa diskutim që është shqetësuese, por edhe pjesë e punës së përditshme që ka policia e shtetit dhe AMP për të pastruar radhët e policisë nga këta elementë të inkriminuar.
Në lidhje me deklaratën e ish-drejtorit, kur nuk e di ai kur ishte në detyrë, vështirë se do ta dijë ministri. Ajo është në hapësirën e informacionit që ka drejtori i policisë.
Ne do ta hetojmë dhe do të thellojmë hetimin dhe pa diskutim do të përfshihet edhe ish-drejtori që ka bërë këtë deklaratë të tillë për të shkuar drejt zbardhjes së të vërtetës” tha ministri.
Lëvizja duket hakmarrje e qeverisë për Nanon, i cili nuk pranoi që të jepte dorëheqjen duke u shkarkuar.
