Një aksident i frikshëm ka ndodhur në aksin rrugor Pogradec – Lin, ku një makinë ka përfunduar e përmbysur në anë të rrugës.
Sipas të dhënave paraprake, drejtuesi i mjetit ka humbur kontrollin dhe si pasojë makina është aksidentuar. Fatmirësisht shoferi nuk ka pësuar dëmtime madhore, por vetëm disa gërvishtje të lehta.
Policia po heton rrethanat e aksidentit. Dyshohet që shkak ka qenë shpejtësia e lartë.
