Presidenti Biden ka miratuar ndihmë shtesë ushtarake për Ukrainën me vlerë deri në 675 milionë dollarë, tha sekretari amerikan i mbrojtjes, Lloyd Austin.
Njoftimi erdhi në një takim të ministrave të mbrojtjes dhe shefave ushtarakë nga më shumë se 40 vende në bazën ajrore Ramstein në Gjermani .
Në fjalën e hapjes së bisedimeve, Austin tha se SHBA dhe aleatët e saj “po shihnin suksesin e dukshëm të përpjekjeve tona të përbashkëta në fushën e betejës”.
Ai shtoi se paketa e fundit e ndihmave do të përfshijë obus, municione artilerie, Humvee, ambulanca të blinduara, sisteme antitank dhe më shumë.
