“Spaghetti” dhe “Tyson”, janë pseudonimet e një shqiptari nga Rrësheni dhe një shtetasi italian të përfshirë në trafikun e drogës nga Peruja në Evropë.
Ngarkesa plot 3 ton kokainë që në Evropë supozohet të kapë vlerën e mbi 133 milionë dollarëve u soll nga Kadri Gjoci, 28-vjeçari shqiptar. Ai u arrestua së bashku me biznesmenin italian Pasquale Bifulco, një nga eksponentët e Ndraghetës.
Sipas mediave peruane, shqiptari njihet me nofkën Tyson, për shkak të ngjashmërisë së tij fizike me boksierin. Kalimi drogës bëhej përmes kompanive që eksportojnë kafe dhe asparagus si lëndë të parë. Në rrjet ishin të përfshirë edhe pesë peruan dhe një turko-gjerman.
