Ministria e Brendshme njoftoi pasditen e sotme se në dy sportele në Rinas është rikthyer në funksion sistemi TIMS.
Më tej, në njoftimin zyrtar, dikasteri i drejtuar nga Bledi Çuçi thekson se shumë shpejt do të kthehet normaliteti në të gjitha pikat doganore.
“Në vijim të punës së pandërprerë nga ekspertët tanë dhe ata të vendeve aleate, aktualisht dy sportele në Pikën e Kalimit Kufitar Rinas janë rikthyer në punë me sistemin TIMS.
Shumë shpejt do të kemi rikthim të plotë të këtij sistemi në Rinas dhe në të gjitha pikat e tjera kufitare” mbyllet njoftimi.
Mbrëmjen e djeshme hakerat sulmuan sistemin TIMS duke e nxjerrë jashtë funksionit. Kryeministri Edi Rama deklaroi se pas sulmit qëndron Irani, por Teherani e mohoi.
