Ambasadorja amerikane në Tiranë, Yuri Kim u shpreh në Kongresin e Arsimit që organizoi qeveria se do të vazhdojë të mbështesë arsimin. Për diplomaten, arsimi do të ketë të njëjtën vëmendje si drejtësia.
“SHBA e mbështesin dhe arsimimi do të jetë kyç sa shpejt do të lëvizni. Politika jonë është që duam t’u shohim në Europë dhe mbështetja për politikën arsimore është po aq e rëndësishme sa ajo në drejtësi. Brezi më i arsimuar të jetë i aftë të ngrihet.
Në 31 vitet e fundit amerikanët kontribuojnë në çështjet e politikave arsimore të Shqipërisë. Ju keni të ardhme të jashtëzakonshme dhe potencial të shkëlqyer.
Do të shihni më shumë studiues amerikanë që do të vijnë këtë vit. 10 vite më parë USAID lidhi profesorët e Bujqësorit për bashkëpunim. Ne vazhdojmë traditën.
Kemi edhe një lidhje tjetër, nga ’92, Shqipëria ka mikpritur vullnetarët e Korpusit të Paqes, që e quajnë Shqipërinë shtëpinë e tyre të dytë. Shumë prej tyre kanë zotëruar gjuhën shqipe, diçka që unë nuk do ja dal mbanë, pasi është e pamundur” tha ajo.
