Në Komisionin e Ligjeve, deputeti i PD, Enkelejd Alibeaj, ka ngritur shqetësimin e nivelit të kriminalitetit në vendin tonë.
Ai kërkoi që të lidhet një marrëveshje me Emiratet e Bashkuara për ekstradimin në vendin tonë nga Dubai të shtetasve të akuzuar për krime që fshihen atje.
“Kush kryen krime në këtë vend e nuk gjendet, siç realisht nuk kapet, përveçse makinave të djegura, pas ca kohësh fillon e ndihet që është në Dubai.
Ky është fenomen që ka nisur prej shumë kohësh. Nëse do duhet të kishte një akt që ka nevojë për t’u diskutuar, miratuar e votuar do ishte një kërkesë që qeveria shqiptare t’i drejtonte Emirateve të Bashkuara për ekstradim, gjë që nuk është bërë e mesa duket nuk ka ndërmend të bëhet”, u shpreh Alibeaj.
