Efektivi i repartit të operacionales në Policinë e Shtetit Jeton Lami në datë 20 shtator ora 09:50 do të dalë përpara gjykatës së Apelit për të kërkuar lirinë.
Pak javë më parë, gjykata e Kurbinit e la në arrest me burg pa afat. Por Lami e apeloi duke kërkuar lirinë.
Lami u arrestua me akuzën e shpërdorimit të detyrës, pasi rezultoi se shoqëroi duke e ndihmuar të arratiset Ervis Martinajn para se ai të zhdukej.
Sipas policisë, efektivi gjatë orarit të punës dhe jo vetëm, lëvizte me makinë “mbretin” e basteve për ta shpëtuar nga postblloqet dhe rivalët.
Prej 10 gushtit ende nuk ka asnjë gjurmë nga Ervis Martinaj, ndërsa Lami nuk pranon të flasë ku e çoi për herë të fundit.
