Kryetari i grupit të PD-së, Enkelejd Alibeaj i kërkoi qeverisë që të kushtëzonte kërkesën e Emirateve të Bashkuara Arabe për marrëveshje për shkëmbim informacioni me ekstradimet.
Deputeti demokrat u shpreh se në Dubai fshihen kriminelët shqiptarë duke i shpëtuar drejtësisë.
“Dubai, Banda e Durrësit, Banda e Elbasanit ju thonë gjë? Të gjitha bandat kanë gjetur parajsën në Dubai, në Emiratet e Bashkuara Arabe.
Ministri nuk tregoi një provë që ka kërkuar marrëveshje ekstradimi me Dubain. Po është e vërtetë, këtu kërcet dyfeku, atje hapet shampanja.
Ajo është parajsa kriminale për banditët shqiptarë. Nëse do të sillni një marrëveshje ekstradimi me Emiratet e Bashkuara e keni votën tonë.
Pengimi i marrëveshjes së ekstradimit mund të jetë akaparuar nga krimi. Parajsa kriminale është atje. Detyra juaj është që të tregoni që nuk jeni të kapur nga krimi” tha ai.
