Një plantacion i madh kanabisi, i përbërë nga 2440 fidanë , u zbulua nga efektivët e Departamentit të Narkotikëve të Sigurimit të Patrës në një zonë të paarritshme pyjore të Zagorës.
Efektivët e policisë nuk arritën të binin në gjurmët e trafikantëve, por ata treguan se gjetën tre tharëse dhe 13 kilogramë të së njëjtës lëndë narkotike.
Sipas policisë, autorët do të kishin një korrje totale kanabisi prej të paktën dy ton e 440 kilogramë, ndërsa përfitimi monetar i parashikuar së bashku me sasitë e kanabisit të zbuluar do të shkonte nga 7.360.000 euro deri në 9.812.000 euro.
Kultivuesit kishin vendosur zorrë vaditjeje, një gjatësi totale prej rreth pesë kilometrash, të cilat përfundonin në dy depozita të improvizuara për grumbullimin e ujit, të ushqyer nga një përrua.
Gjithashtu, pranë plantacionit ndodheshin dy struktura të improvizuara prej druri me nëntë shtretër të improvizuar, rroba, mbulesa, enë gatimi dhe bombola gazi./Prothotema.gr
