Një person është arrestuar dhe gjashtë makina luksoze janë sekuestruar në Tiranë. Makinat janë vjedhur në vendet e BE-së.
I arrestuari është K. B., 52 vjeç, si dhe nisi procedimi penal në gjendje të lirë për; K. T., 26 vjeç, D. P., 46 vjeç dhe E. K., 27 vjeç.
Gjithashtu, u shpallën në kërkim; R. SH., 29 vjeç, I. G., 32 vjeç, V. P., 25 vjeç, I. H., 34 vjeç dhe U. B., 44 vjeç.
Në cilësinë e provës materiale janë sekuestruar 6 makina luksoze dhe një motor. Pasi i kanë trafikuar, sipas policisë, të akuzuarit kanë bërë ndërhyrje duke modifikuar numrat e shasisë apo paketat elektronike.
Më pas automjetet i kanë shitur te persona të ndryshëm. Vijon puna për dokumentimin e rasteve të tjera të trafikimit të mjeteve, që mund të jetë kryer nga këta shtetas.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
