Shtetet e Bashkuara të Amerikës dhe Bashkimi Evropian, kanë rritur presionin ndaj Turqisë, në mënyrë që Turqia të godas evazionin e sanksioneve ruse mes.
SHBA po fokusohet në bankat turke që janë integruar në Mir, sistemin e pagesave të brendshme të Rusisë, thanë për “Financial Times” dy zyrtarë perëndimorë, ndërsa Brukseli përgatit një delegacion për t’i shprehur shqetësimet e tij drejtpërdrejt zyrtarëve turq.
Presioni ndaj Turqisë vjen pasi thuajse të gjitha vendet perëndimore janë përqendruar në vënien e sanksioneve të rrepta ndaj Rusisë.
Ndryshimi pranon se sanksionet ekonomike të vendosura pas pushtimit të Ukrainës nga Vladimir Putin në shkurt dështuan të dëmtojnë ekonominë e Rusisë aq sa kishin shpresuar.
Ata thonë se mbyllja e zbrazëtirave në masat aktuale do të shtrydhin ngadalë linjat financiare të Kremlinit.
“Do të na shihni të fokusohemi në evazionin e sektorit financiar”, tha zyrtari i parë perëndimor.
“Ne do të dërgojmë një mesazh shumë të qartë se, për shembull, institucionet financiare të vendeve të treta nuk duhet të ndërlidhen me rrjetin e pagesave Mir, sepse, e dini, kjo mbart disa rreziqe për evazion sanksionesh”.
“Ne duhet të mbyllim zbrazëtirat”, tha zyrtari i dytë i përfshirë në bisedimet e këtij muaji midis BE-së dhe SHBA-ve mbi zbatimin e sanksioneve, duke përmendur Turqinë si objektivin kryesor.
Në udhëzimin e lëshuar të enjten, departamenti i Thesarit i SHBA-së paralajmëroi se institucionet financiare jo-amerikane rrezikojnë “të mbështesin përpjekjet e Rusisë për t’iu shmangur sanksioneve të SHBA-së nëpërmjet përdorimit të zgjeruar të Sistemit Kombëtar.
