Pas policisë së shtetit dhe gardianëve të burgjeve, Edi Rama njoftoi sot se do të rriten, indeksohen edhe pagat për zjarrfikësit. “Do të rriten edhe pagat e zjarrfikësve, që janë gjithmonë e më të rëndësishëm në këtë shoqëri dhe periudhë kohe.
Nevoja për rritjen e pagës së tyre është imediate dhe ne do ta adresojmë” tha ai. Vendimi erdhi pasi i pari që e ngriti këtë shqetësim ishte Erion Braçe.
Njëri nga gazetarët e pyeti në lidhje me shqiptarët që po largohen duke e “nxehur” kryeministrin.
“Duhet të lashë gojën kur përmend dikë dhe ju duhet të lani gojën kur përmendni Erion Braçen. Kjo në respekt për Erion Braçen jo duke vënë në dyshim higjienën e gojës.
Nëse më pyesni për Shqipërinë sot, nuk ka asnjë krahasim me atë të disa viteve më parë. Patjetër Shqipëria që u duhet të rinjve duhet të jetë më e mirë dhe prandaj jemi këtu dhe vetëm ne mund ta bëjmë.
Kjo Shqipëri do të bëhet duan apo nuk duan xhagajdurët politikë dhe mediatikë” tha ai.
Për anijen me kontrabandë nafte në Durrës nuk pranoi që të fliste. “Unë nuk merrem me anije. Çështja i takon drejtësisë, policia ka bërë detyrën dhe nga ana tjetër sikur edhe media të bëjë detyrën e vet dhe të mos përdorë fuqinë e saj për të dezinformuar apo sulmuar dhe vendosur gjoba qoftë për autoritete shtetërore apo biznes kjo do ta bënte Shqipërinë më të mirë edhe për të rinjtë” tha ai.
