Augsburgu mori një fitore të rëndësishme përballë Bajernit të Mynihut duke i dhënë një goditje të rëndë kampionëve të Gjermanisë, me anë të golit të shënuar nga Mërgim Berisha.
Gjithsesi nuk ishte vetëm sulmuesi shqiptar ai që i dha tre pikët skuadrës së tij, pasi një meritë të madhe meriton dhe portieri i vendasve, Rafa Gikievixh.
Në minutën e 94’, Manuel Nojer i shkoi shumë pranë një goli me kokë, por portieri polak arriti ta ndalte në një mënyrë fantastike me reflekset e tij.
Më pas topi përfundoi në këmbët e Alfonso Dejvis, i cili lëshoi një kros drejt zonës që nuk u devijua nga askush, por u nis drejt portës. gjithsesi Gikievixh ishte sërish gati dhe nuk e lejoi topin të depërtonte.
