Kryeministri Edi Rama ka folur për sulmet kibernetike nga Irani, në emisionin “Wake Up” në Amerikë. Ai është shprehur se kanë qenë 4 grupe të cilat kanë sulmuar sistemet shqiptare dhe provat janë mbledhur nga amerikanët.
“Dua ta bëj të qartë, nuk akuzova Iranin. Kemi prova mbështetur në prova të skuadrës së Microsoft dhe agjencive të specializuara amerikane që pas sulmit është Irani, që ka sponsorizuar 4 grupe, një nga ta që qëndron në krye të sulmeve terroriste kibernetike. Nuk është akuzë, është fakt. Nga ana tjetër, ne e kuptojmë se ishte koha të ndërprisnim çdo lidhje me këtë regjim. Nuk mund të lejonin që ambasada e tyre të vazhdonte të ishte në mes të kryeqytetit dhe të shërbente si qendër operative për këto sulme”, tha Rama.
