Dy persona u konfirmuan të vdekur dhe dy të tjerë u gjetën “pa shenja jetësore” pasi tajfuni Nanmandol kaloi nëpër Japoni, ndërsa më shumë se 100 njerëz u plagosën, tha një zëdhënës i qeverisë të hënën.
Tajfuni goditi Japoninë të dielën mbrëma, pranë Kagoshima në ishullin jugperëndimor të Kyushu, duke sjellë erëra të forta dhe shi të dendur. Më pas u zhvendos në verilindje.
Intensiteti i tij u ul gradualisht dhe më në fund të hënën në mëngjes ai u reduktua në një ciklon ekstra-tropikal.
Në ishullin Kyushu, pemët u shkulën, xhamat u thyen, lumenjtë u vërshuan dhe shiu i një muaji ra brenda 24 orëve. Më së shumti u godit rajoni Miyazaki, ku u gjetën dy nga të vdekurit.
Hirozaku Matsuno, një zëdhënës i qeverisë japoneze, tha se dy persona të tjerë u gjetën “pa shenja vitale”, një term i përdorur në Japoni kur një person nuk është konfirmuar nga një mjek i vdekur.
Por numri i të vdekurve mund të rritet pasi autoritetet përpiqen të konfirmojnë nëse dy vdekje të tjera janë të lidhura me tajfunin dhe kërkojnë për një person tjetër të zhdukur, shtoi Matsuno.
Përveç kësaj, të paktën 114 persona janë lënduar, 14 prej tyre në gjendje të rëndë.
Të hënën herët në mëngjes, rreth 140,000 familje mbetën pa energji, kryesisht në ishullin Kyushu.
