Me qindra emigrantë të larguar nga Libia u bllokuan me gomone për orë të tëra në ujërat e Qipros. Mëngjesin e të martës ata arritën të shpëtoheshin, nga autoritet vendase.
Autoritetet përdorën mjete ajrore dhe lundruese për të shpëtuar migrantët rreth 203 kilometra në perëndim të ishullit të hënën, pas raportimeve se një anije me mbi 300 persona në bord, kishte vështirësi.
Edhe anijet komerciale u mobilizuan për të transferuar migrantët, tha Qendra e Përbashkët për Shpëtim e Qipros përmes një njoftimi për media.
Disa orë më vonë, një anije tjetër raportoi se ndodhet në vështirësi në jug të Qipros. Në bordin e saj gjendeshin 177 persona.
“Në anije kishte filluar të depërtonte uji dhe ata kërkuan ndihmë”, tha zëvendëskomandanti i Qendrës së Përbashkët për Shpëtim, Andreas Zacharia.
