UEFA ka marrë vendimin e madh për të lënë jashtë Euro 2024 Rusinë.
Pas përjashtimit nga Liga e Kombeve dhe nga Kupa e Botës, ky është një tjetër vendim i rëndë që vjen për futbollin rus, me organin më të lartë të futbollit në Europë që shkruan.
“Kombëtarja ruse nuk do të marrë pjesë në shortin e kualifikueseve për EURO 2024. Arsyeja vjen pas diskutimit që UEFA bëri në shkurt për të përjashtuar të gjitha klubet ruse nga kompeticionet që ata merrnin pjesë, deri në një njoftim të dytë”, ka njoftuar ajo.
UEFA ka marrë vendimin e saj më të rëndësishëm duke konfirmuar se emri i Rusisë nuk do të jetë përkrah 53 kombeve të tjera evropiane, Gjermania kualifikohet automatikisht si mikpritëse kur të hidhet shorti kualifikues në Frankfurt më 9 tetor.
