Kryetari i grupit të PD-së, Enkelejd Alibeaj kërkoi sot në komisionin e Ligjeve që nisma e socialistëve të përfshijë kërkesën e tyre për hapjen e dosjeve. Konkretisht ai kërkoi që të de-klasifikohen dosjet nga periudha ’44-’91.
“Zbardhja e plotë e së vërtetës nuk mund të kuptohet pa zbardhur dosjet e sigurimit të shtetit, veprimtaria dhe produkti.
Kjo strukturë përfaqësonte frikësimin, dhunën dhe terrorin për të parandaluar cdo revoltë dhe kundërshti. Shqiptarët nuk janë hakmarrës.
Nuk kërkojnë shpagim. Nuk kanë urrejtje, por vetëm një kërkesë. Të drejtën për të njohur të vërtetën se cfarë ka ndodhur nga kush dhe përse” kërkoi ai.
