Kancelari gjerman, Olaf Scholz, e quajti pushtimin rus të Ukrainës një akt “imperializmi”.
Nga sesioni i Asamblesë së Përgjithshme, Scholz kritikoi ashpër pushtimin rus të Ukrainës, duke dënuar motivimin e Putinit pas luftës.
“Nuk ka asnjë justifikim për luftën pushtuese të Rusisë kundër Ukrainës. Presidenti Putin po e bën këtë luftë me një objektiv të vetëm: të kapë Ukrainën”.
Ai vazhdoi t’u bëjë thirrje vendeve anëtare të OKB-së që të mos qëndrojnë neutrale në situatë, duke nënvizuar armët bërthamore që Rusia ka.
“Ne nuk duhet të qëndrojmë duarkryq kur një fuqi e madhe bërthamore, e armatosur deri në dhëmbë – një anëtar themelues i Kombeve të Bashkuara dhe një anëtar i përhershëm i Këshillit të Sigurimit të OKB-së jo më pak – kërkon të ndryshojë kufijtë përmes përdorimit të dhunës”, tha Scholz gjatë fjalës së tij.
Mbrojtja e rendit ndërkombëtar
Kancelari gjerman theksoi vazhdimisht rëndësinë e ruajtjes së një rendi botëror të bazuar në rregulla.
“Alternativa për një botë të bazuar në rregulla është sundimi i të fortëve mbi të dobëtit”, paralajmëroi Scholz duke shtuar se kthimi i imperializmit nuk është vetëm një fatkeqësi për Evropën, por edhe një fatkeqësi për rendin global të paqes.
Ai tha se Putin-i rrezikon të shkatërrojë jo vetëm Ukrainën, por edhe vendin e tij me luftë.
Scholz vazhdoi duke theksuar se një botë shumëpolare ishte “antiteza e imperializmit dhe neokolonializmit” dhe se këto parime duhej të mbështeteshin nga të gjitha shtetet anëtare të OKB-së.
Më tej, ai kritikoi idenë që Rusia të mbajë referendume në pjesë të Ukrainës.
“Putini do të heqë dorë nga lufta e tij dhe ambiciet e tij imperialiste vetëm nëse e kupton se nuk mund të fitojë”
