Armina Mevlani dhe Shkëlzen Berisha do të martohen këtë fundjavë.
Lajmin e ka bërë të ditur vetë Armina Mevlani. Ajo zbuloi se dasma do të mbahet këtë fundjavë, por nuk tregoi nëse do të jetë ditën e shtunë apo të dielë.
‘Nuk ka rëndësi, të shtunën apo të dielën, kemi dasmë në fundjavë”, tha ajo duke treguar se ka patur shumë ankth këto ditë pasi njerëzit e pyesin shumë për dasmën.
Pasi dasma e tyre u shty prej pandemisë, çifti më në fund ka organizuar gjithçka dhe tashmë është gati që t’i thonë “PO” njëri-tjetrit.
Së fundmi ish- modelja ka zbuluar sërish detaje nga dasma ndërsa u shpreh se kanë zgjedhur pikërisht muajin shtator pasi i pëlqen vjeshta të dyve dhe ka hedhur poshtë fjalët se po bën një dasmë për arsye sepse është në pritje të një fëmije.
Një ndihmë e madhe për Arminën ka qenë dhe kunata e saj Argita Malltezi, e cila i është gjendur pranë për çdo detaj të dasmës.
Gjithashtu blogerja tregoi se menyja e dasmës do të jetë sa më traditcionale dhe do të jenë të ftuar më pak se 300 persona. Armina shtoi se dhe vjehrri i saj, ish-kryeministri Sali Berisha është mbështetës dhe e ka miratuar datën e dasmës.
