Një masakër ka ndodhur në një shkollë në qytetin rus të Izhevsk. Të paktën 6 persona kanë ndërruar jetë, ndërsa mbi 20 të tjerë janë plagosur.
Sipas mediave ruse, viktimat janë nxënës dhe një roje sigurie i shkollës. Ambulanca dhe shërbimet e sigurisë kanë mbërritur në vendngjarje në qytetin e Izhevsk.
Të shtënat kanë ndodhur në shkollën numër 88, e cila ka gati 1000 nxënës dhe 80 mësues.
Mësuesit dhe nxënësit e tjerë janë evakuuar.
Autori i armatosur thuhet se kishte dy pistoleta, sipas një deputeti të cituar nga agjencia e lajmeve Tass.
Autori thuhet se ka vrarë veten dhe motivi i të shtënave është i paqartë.
Shkolla është në qendër të Izhevsk, një qytet me rreth 650,000 banorë, afër ndërtesave të qeverisë qendrore.
