Kryeministri Edi Rama ka reaguar pas protestës së nxënësve të kolegjit turk “Mehmet Akif” poshtë selisë së qeverisë. Nxënësit kërkojnë rihapjen e shkollës, por shefi i qeverisë u kërkon që të shkojnë për të protestuar te pronari, që sipas tij shiti godinën e kolegjit.
“Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera” shkruan Rama.
Nxënëset e shkollës së mbyllur të protestojnë kundër pronarëve që shitën godinën e shkollës dhe e spostuan aktivitetin gjetkë, pa marrë leje sipas ligjit e pa respektuar rregullat e parashikuara ligjërisht! Ministria e Arsimit dhe Sportit ka zbatuar ligjin si në raste të tjera.
— Edi Rama (@ediramaal) September 26, 2022
Opozita akuzon se mbyllja është politike pas kërkesës së Erdoganit. Sipas Sali Berishës, Edi Rama iu bind presidentit turk në luftën kundër shkollave të Gulenit. Por qeveria thotë se kolegji dhe kopshti që u mbyllën nuk plotësonin kushtet.
