Ambasada e Shteteve të Bashkuara të Amerikës në Moskë iu ka bërë thirrje qytetarëve amerikanë të largohen menjëherë nga Rusia ndërkohë që ka ende alternativa për të larguar nga vendi.
“Qytetarët amerikanë nuk duhet të udhëtojnë në Rusi dhe ata që banojnë ose udhëtojnë në Rusi duhet të largohen menjëherë nga Rusia ndërkohë që mbeten mundësitë e kufizuara të udhëtimit komercial”.
Në njoftimin e ambasadës amerikane thuhet se shumë shpejtë Rusia mund të parandalojë largimin e shtetasve të huaj nga Ukraine si dhe t’i detyrojë ata të marrin pjesë në luftë.
“Rusia mund të refuzojë të njohë shtetësinë amerikane, të mohojë aksesin e tyre në ndihmën konsullore të SHBA-së, të parandalojë largimin e tyre nga Rusia dhe të rekrutojë shtetas të dyfishtë për shërbimin ushtarak”.
Në sqarimin e ambasadës theksohet fakti se shumë shpejt ambasada do ta ketë të pamundur të ndihmojë drejtpërdrejtë shtetasit e saj.
“Ambasada e SHBA ka kufizime të rënda në aftësinë e saj për të ndihmuar qytetarët amerikanë, duke përfshirë opsionet e transportit, dhe kushtet mund të bëhen papritmas edhe më të kufizuara”.
Ndërkaq, ambasada ka informuar qytetarët se Departamenti i Shtetit ofron informacion mbi udhëtimet komerciale në faqen “Informacion për qytetarët e SHBA-së në Rusi – Opsionet e udhëtimit jashtë Rusisë” në travel.state.gov.
“U kujtojmë qytetarëve amerikanë se e drejta për tubim paqësor dhe liria e shprehjes nuk janë të garantuara në Rusi.
Shmangni të gjitha protestat politike apo sociale dhe mos fotografoni personelin e sigurisë në këto ngjarje.
Autoritetet ruse kanë arrestuar shtetas amerikanë që kanë marrë pjesë në demonstrata”.
Alarmi vjen pas urdhrit të presidentit rus Vladimir Putin, për mobilizimin e pjesshëm të burrave për të luftuar në Ukrainë
