Autoritetet kiliane po kërkojnë një rajon malor në veri të vendit në kërkim të astronomit britanik Thomas Marsh, i cili u zhduk në mënyrë misterioze më 16 shtator nga një observator që ai vizitoi si pjesë e një hetimi shkencor.
Ekipet e shpëtimit, policia dhe ushtarët po “krehin” zonën malore rreth observatorit astronomik La Sigilla, që ndodhet pothuajse 600 kilometra në veri të kryeqytetit Santiago, në kërkim të studiuesit 60-vjeçar të Universitetit Warwick.
Operacioni gjigant, që përfshin drone dhe qen të trajnuar posaçërisht, deri më tani nuk ka dhënë asnjë fryt. Megjithatë, autoritetet nuk e kanë humbur shpresën se Marsh mund të gjendet i gjallë. Dhoma ku ai qëndronte ishte e paprekur dhe aty u gjetën të gjitha sendet e tij.