Distancimi paralajmëron shpalljen non grata apo rrugën drejt SPAK-ut? Nuk ka asnjë prapaskenë që të lidhet me “zhveshjen” e Arben Ahmetajt nga cdo post në qeveri dhe PS.
Kështu tha sot Edi Rama duke hedhur poshtë aludimet se lëvizjet mund të lidhen me një hetim të mundshëm nga SPAK për dosjen e inceneratorëve.
“Këto janë ato përrallat tuaja duke kërkuar pas cdo vendimi qëllime që nuk ekzistojnë. Kjo nuk do të ndodhte 10 vite më parë duke e kërdisur popullin me lloj lloj përrallash dhe shpifjesh, që vijnë nga qëllimi për të shpifur apo për të bërë lajm.
Zoti i pastë dhe u kujdestë për të gjitha. Jo. Ne jemi në të drejtën tonë të bëjmë ndryshime organizative. Nuk kanë lidhje fare. Pse duhet të ketë bërë diçka për të lëvizur nga një pozicion.
Për arsye sepse secilit i duhet gjetur një pozicion për të dhënën maksimumin në një betejë të re. Do të shikojmë sipas nevojës së kësaj ndeshje, organizimi bëhet për zgjedhjet vendore” tha ai.
