Kryetari i Partisë së Lirisë, Ilir Meta përmes një postimi në Twitter, ka reaguar në lidhje me aneksimin e 4 territoreve ukrainase nga presidenti rus Vladimir Putin.
Ai shkruan se Partia e Lirisë i dënon referendumet e rreme të Rusisë.
“Partia e Lirisë dënon me forcë referendumet e rreme, me rezultate të paracaktuara, të organizuara nga Rusia në Ukrainë. Rajonet e Donetsk, Luhansk, Kherson, Zaporizhzhia janë territore të Ukrainës dhe çdo aneksim i tyre nga Rusia, është i papranueshëm, vjen në shkelje të ligjit ndërkombëtar, si dhe çdo parimi të sovranitetit dhe integritetit territorial”, shkruan Meta.
