Sekretari i Përgjithshëm i Partisë së Lirisë, Tedi Blushi ka reaguar ndaj një raporti të KLSH-s, ku fëmijët në jetimoren Zyber Hallulli, nuk kanë ushqim të mjaftueshëm.
Ai e ka krahasuar atë me filmin “Lulëkuqe mbi mure”, si dhe ka treguar se në këtë qendër nuk pranohen as ndihmat e qytetarëve për fëmijët.
“Jetimëve që u vjedhin “kafshatën”, po u mohojnë edhe ndihmat e qytetarëve!
Nuk është filmi “Lulekuqe mbi mure”. Është historia e trishtë e jetimëve në qendrën sociale “Zyber Hallulli” në zemër të Tiranës, në vitin 2022.
Kjo është fytyra e vërtetë antisociale, e pashpirtësisë dhe e babëzisë së Qeverisë së Edi Ramës, që pasurohet dhe lumturohet mbi vuajtjen e jetimëve!” ka shkruar Blushi.
