Ish-kryeministri Sali Berisha zhvilloi një takim me gratë e Lidhjes Demokratike të Gruas në Elbasan në kuadër të “Tetorit rozë” në sensibilizimin dhe luftën kundër kancerit të gjirit. Gjatë fjalës së tij, Berisha tha se kjo sëmundje është plotësisht e trajtueshme nëse kapet që në fazat e hershme.
Duke shprehur kritika ndaj qeverisë, Berisha deklaroi se kryeministri Rama vendos të ndërtojë instalacion me vlerë 4 milionë euro në oborrin e zyrës së tij, ndërkohë që me këto para, mund të siguronte vendosjen e mamografisë në të gjithë qytetet.
Sipas Berishës, në strategjinë kombëtare të luftës kundër kancerit, ishin siguruar gjithsej 6% të financimit, ndaj ai ngre pyetjen nëse ka një injorim më të madh se kjo.
‘Në një kohë kur, shpërdorimet në shpenzime të tjera janë të tmerrshme. Blihet instalimi 4 mln euro për ta vendosur në oborr. Me 4 mln euro mund të blesh mamografi në të gjithë qytetet e vendit.’, shprehet Berisha.
