Një ngjarje e rëndë është regjistruar ditën e sotme në qendër të Londrës. Mediat e huaja shkruajnë se 3 persona janë goditur me thikë, ndërsa policia mbërriti menjëherë në vendngjarje.
Mësohet se sulmi nisi kur kalimtarët e rastit ndërhynë për të ndaluar disa të huaj që të vidhnin biçikleta, por janë sulmuar prej atyre me thika, në përpjekje për t’u larguar, pasi nuk ia arritën qëllimit të tyre.
Të lënduarit u transportuan menjëherë në spital, ndërsa dëshmitarët shprehen të tronditur me krimin. Autorët donin të vidhnin biçikleta, por edhe celularët e njerëzve. Grupi hetimor po merret me zbardhjen e ngjarjes, ndërsa ende nuk dihet nëse kemi të bëjmë me një rast terrorizmi.
