Kryetari i PD-së, Sali Berisha zbuloi sot detaje nga pakti me Partinë e Lirisë për zgjedhjet lokale të viti të ardhshëm.
Ish-kryeministri u shpreh se partia e Ilir Metës është e fokusuar më shumë te këshilltarët, jo te kandidatët për kryetar partie.
“Me Metën kemi rënë dakord që ai do të përqendrohet thuajse 100% tek këshillat dhe do mbështesë kandidatët tanë. Aleatët tjerë duan një testim shtesë dhe ne jemi dakord” tha ai.
Për grupin që drejton Enkelejd Alibeajt, Berisha kishte një ftesë. “Në Tiranë do të kemi kandidaturë të përbashkët e cila do të dalë përmes primareve.
Nga primaret nuk heqim dorë, kjo është kategorike. Alibeaj të marrë pjesë dhe të bëjë propozimet e veta.
Këtë herë nuk voton vetëm anëtarësia por edhe simpatizantët” tha Berisha.
