Përveç ndarjes së grupeve, 7 me nga pesë skuadra dhe 3 me nga gjashtë, shorti do të ketë disa përplasje të ndaluara, për çështje politike si, Armeni-Azerbajxhan, Bjellorusi-Ukrainë, Gjibraltar-Spanjë, Kosovë-Bosnjë dhe Kosovë-Serbi.
Çdo grup mund të ketë maksimumi dy shtete, në të cilët historikisht bën një dimër i ashpër, i cili vë në rrezik zhvillimin e ndeshjeve si Bjellorusia, Estonia, Ishujt Faroe, Finlanda, Islanda, Letonia, Lituania e Norvegjia.
Në çdo grup mund të ketë maksimumi vetëm një çift që të mund të përballojë distanca shumë të gjata edhe me avion nga njëri vend në tjetrin, specifikisht: Azerbajxhani me Gjibraltarin, Islandën e Portugalinë.
Apo Islanda me Armeninë, Qipron, Gjeorgjinë e Izraelin. Apo sërish Kazakistani me Andorrën, Anglinë, Ishujt Faroe, Francën, Gjibraltarin, Islandën, Maltën, Irlandën e Veriut, Portugalinë, Irlandën, Skocinë, Spanjën dhe Uellsin.
