Vala e protestave që ka paralajmëruar Sali Berisha nisi sot nga Elbasani.
Partia Demokratike organizoi një tubim në sheshin “Gensher” në kryesor në qendër të qytetit.
Në shenjë proteste ndaluan makinat duke bllokuar bulevardin kryesor për disa minuta. Qytetarët e Elbasanit u shprehën se krimi dhe korrupsioni ka kapur cdo gjë.
Zgjidhja? “Pa u shporrur Edi Rama nuk ka rrugëzgjidhje. Nuk kemi bukë të hamë. Kemi marrë rrugët, po ikin shqiptarët në Angli si në ’91” tha njëri.
Një tjetër banor i Elbasanit theksoi se “Shpresa e fundit është vdekja dhe largimi i Edi Ramës. Doktor na ke mbrapa, këta duhen qëruar”.
Protesta me moton “boll heshtët” kishte motiv kryesor rritjen e çmimeve.
