Lideri i PD, Sali Berisha ka folur mbrëmjen e sotme për hapësirën e re të komunikimit me qytetarët, atë përmes rrjetit social Tik Tok.
Pyetur nëse është frymëzuar nga ish-kryeministri italian Silivio Berlusconi, Berisha deklaroi në “Opinion” se ka qenë ide e tija hyrja në këtë platormë.
Ai shtoi në emisionin “Opinion”, se e sheh si një formë për të qenë i lidhur me të rinjtë e sotëm ndonëse pjesa më e madhe e tyre nuk janë votues.
“Tik Tok është sot më i preferuar në mediat sociale i moshës afro adoleshencës. Pavarësisht nga interesi i tyre për politikën komunikimi me ta është i rëndësishëm. Nuk synoj komunikim politik por si një pjesë e rëndësishme e rinisë shqiptare. Ka qenë ide e imja e shtyrë në realizim për shkaqe të ndryshme. Unë komunikon vetëm në Facebook. Nuk jam njeri i lidhur me fotografinë. Fotografia për mua përfaqëson të shkuarën gjithnjë. Asnjëherë nuk kam pasur pasion për Instragramin. Është relative. Tik Tok ka një dinamizëm sot. Ka video. Pasioni për teknologjinë më ka shoqëruar në dekada. E ndjek me ambicie dhe interes të veçantë”, tha Berisha.
