Kreu i grupit parlamentar, Enkelejd Alibeaj është shprehur në Këshillin e Integrimit se për të bërë progres drejt Evropës duhet të dëgjohet zëri i opozitës i cili deri më tani nuk është marrë parasysh.
Alibeaj, në fjalën e tij ka përmendur dhe amnistinë fiskale, e cila sipas Ballës do të bëhet, por ai ka shtuar se një zgjedhje e tillë tregon sesa e minuar është demokracia në Shqipëri.
Po ashtu, demokrati tha se sa për drejtësinë, sapo një i akuzuar për një megaaferë korruptive (Aliqi Bllako) doli nga burgu.
“Nuk mund t’i kërkojmë europianëve të na zgjidhin ata problemet.
Opozita i ka bërë aktet e saja, vetting u zgjat, reforma zgjedhore ka vonesat e veta, po, por atë kërkuam ne, fjalë të mira për marrëveshjen e 5 qershorit.
Për çështjet e integrimit në BE duhet të dëgjohet zëri i opozitës gjë që nuk ka ndodhur, se nëse do të vazhdohet me arrogancë, për t’i treguar që kjo është fytyra e politikës shqiptare. Doli një nga të akuzuarit nga burgu, kjo është një nga çështjet më flagrante korruptive”, tha Alibeaj.
