Sa përqind të trurit përdorim?
Ideja që ju nuk përdorni të gjithë trurin tuaj është një mit i përhapur. Studimet e skanimit të trurit tregojnë se të gjitha zonat janë aktive. Pra, produktet që pretendojnë se prekin “pjesën tjetër të trurit tuaj” nuk bëjnë asgjë. Pra ne përdorim 100% të trurit.
Në cilën moshë zakonisht truri ndalon së zhvilluari?
Në moshën 20-30 vjeç. Ka një arsye që duhet të prisni deri në moshën 25 vjeç për të marrë me qira një makinë. Adoleshentët dhe të rinjtë mendojnë me amigdalën e tyre, pjesën e trurit të sunduar nga emocionet. Të rriturit përdorin pjesën racionale të trurit të tyre, të quajtur korteksi paraballor. Është zona që ju bën të mendoni për efektet afatgjata të veprimeve të caktuara.
Disa njerëz përdorin anën e djathtë (krijues), dhe të tjerët anën e majtë të trurit (logjik).
Mënyra se si mendoni nuk vendoset nga cila anë e trurit përdorni. Të dyja anët punojnë së bashku në çdo detyrë mendore. Pra, është një mit që mendimtarët logjikë përdorin anët e majta të trurit të tyre, dhe llojet emocionale dhe krijuese mbështeten në të djathtën e tyre.
Çfarë ngjyre ka truri?
Truri ka ngjyra të ndryshme. Truri i njeriut shpesh paraqitet si një masë gri. Por, ndërsa ka lëndë gri, ka edhe lëndë të bardhë dhe enët e gjakut janë të kuqe. Një zonë në mes është e zezë. Pra, pse truri në muze është gjithmonë gri? Kjo për shkak të kimikateve që e ruajnë.
Çfarë efekti ka tek foshnjat dëgjimi i muzikës klasike?
Shkencëtarët dikur mendonin se dëgjimi i muzikes klasike rrit IQ-në. Bazuar në këto rezultate, CD-të dhe DVD-të e muzikës klasike për foshnjat u bënë shumë të përdorura.
Por studimet e fundit tregojnë se ato nuk kanë ndonjë efekt real në inteligjencën.
